Content in category Sinhala

ගෝඨාභය ජනපතිට විවෘත ලිපියක්

දුටුගැමුණු කුමාරයා වරක් සටනකින් පැරදී පළා යන අතරමග පැල්පතක විසූ මැහැල්ලක විසින් උයා දුන් උණු බත් කෑ කතාවක් සිංහල ජනප්‍රවාදයේ ඇත. එහෙන් මෙහෙන් උණු බත් අල්ලන විට අත පිච්චෙන සැටි දුටු මැහැල්ල “පුතේ නුඹත් බත් කන්නේ අපේ ගැමුණු කුමාරයා යුද්ධ කරන්නා වගේය” යැයි කියූ බවත් “පර්යන්තයෙන් පටන් ගෙන ක්‍රමයෙන් මැදට කෑ යුතු යැයි” ඇය ඉගැන්වූ බවත්, එම මහඟු උපදෙසින් දුටුගැමුණු කුමාරයා සිය ජයග්‍රාහී යුධ සැලැස්ම සැකසු බවත් මා කුඩා කළ අසා ඇත.

ඔබතුමා ජනපති ලෙස තේරී අදට දින හැටක් ගත වී ඇත. මේ කාලය තුළ ඔබතුමා කටයුතු කරන ආකාරය දෙස බලා සිටින මා හට අර මැහැල්ලගේ කතාව සිහියට එයි. ඔබතුමාත් ජනපතිකම කරන්නේ ගැමුණු කුමාරයා උණු බත් කෑ ලෙසටය. එනම් ඔබතුමා දිගුකාලීන සැලසුමක් අනුව පියවරෙන් පියවර යන බවක් පෙනෙන්නේ නැත. එහෙන් මෙහෙන් එදාට එදාට එක එක අය කියන කියන දේවල් අනුව කටයුතු කරන බවක් පෙනේ. මා වැරදි විය හැකිය. නමුත් සාමාන්‍ය පුරවැසියෙක් ලෙස මා දකින දෙය එයයි.

ජාතික ගීයේ භාෂාව

ශ්‍රී ලංකාවේ ජාතික ගීය සහ එය ගායනා කළ යුතු ආකාරය තීරණය කළ යුත්තේ ශ්‍රී ලංකාවේ ඓතිහාසික, නූතන සහ අනාගත තත්ත්වයන් අනුව මිස වෙනත් රාජ්‍යයන් කරන නොකරන පළියට නොවේ. ශ්‍රී ලංකාව යනු ජාතීන් දෙකක් අතර ඓතිහාසික අරගලයක් ඇති රාජ්‍යයකි. එය මහපොළොවේ සත්‍යයකි. එම අරගලය අනාගතයටත් ගෙන යෑමට කැස කවන්නේ ජේ.ආර්.ගේ දරුවන් සහ ඔවුන්ගෙන් උපදින බෙදුම්වාදීන් ය.

අලුත් ඇමති මණ්ඩලය හදන්නේ කොහොමද?

එළඹෙන ජනපතිවරණයෙන් අනතුරුව නව අමාත්‍ය මණ්ඩලයක් පත් වීම අනිවාර්ය ය. එය සාධාරණය. එය ව්‍යවස්ථානුකූලය. නමුත් එය ඉතාම බුද්ධිමත්ව සහ අවබෝධයෙන් සිදු කළ යුතුය. නැතිනම් නොවැම්බර් දහසය ලැබෙන ජනතා තීරණයේ වටිනාකම බාල්දු වීමට ඉඩ ඇත. අමාත්‍ය මණ්ඩලය පත් කිරීමේ දී මූලිකව සළකා බැලිය යුතු අදියර දෙකක් ඇත. පළමුව එම අමාත්‍යංශ මොනවාදැයි […]

සජිත් මහතාට විවෘත ලිපියක්

මහින්ද රාජපක්ෂ මහතා අධිවේගී මාර්ග හදන විට ඔබ තවමත් පරණ තාලේ පුංචි ගෙවල්ම හදමින් සිටියේ ය. ගෝඨාභය මහතා කොළඹ නගරය ආසියාවේ වේගයෙන්ම දියුණු වන නගරය කරන විට ඔබ තවමත් කිසිදු පිළිවෙලක් නැති, මඩ බොරළු පාරවල් එහේ මෙහේ දුවන, අසංවිධිත ගම්මාන හදමින්, ඒවාට හාස්‍ය උපදවන නම් තබමින් සිටියේ ය. ඔබට පෙන්වන්නට ඇත්තේ ඔබේ ගෙවුණු පාවහන් පමණී. ඔබ ඔබට ලැබුණු අවස්ථාවෙන් උපරිම ප්‍රයෝජනයක් ගත්තේ නැහැ, සජිත් මහත්මයා.

ගෝඨාභය මහතාට විවෘත ලිපියක්

ගෝඨාභය මහත්මයාණෙනි, මේ ලබන දශකය ජනරජයට ඉතාම වැදගත් දශකයක්. මේ දශකයේ දී තමයි මා ද අයත් වන සහස්‍රයේ පරම්පරාව සිය ජීවිතයේ හතරවන දශකයට එළඹෙන්නේ. එනම් සමාජයේ, ව්‍යාපාර ක්ෂේත්‍රයන් හී, අධ්‍යාපනයේ, කලාවේ, ආගමේ, දේශපාලනයේ නායකත්වය ඔබලාගේ පරම්පරාවෙන් අපේ පරම්පරාවට මාරු වෙන දශකය තමයි 2020-2030. ඒ සංක්‍රාන්ති සමය නිවැරදිව හැසිරවීමට නම් අත්දැකීම් බහුල, ඥානවන්ත, දූරදර්ශී නායකයෙක් අපට අවශ්‍යයි. මේ මහඟු අවස්ථාව නිවැරදිව කළමනාකරණය කිරීමට නම් එම වයසේ දරුවන් සිටින පරිණත පීතෘ චරිතයක් අපට අවශ්‍යයි. අපේ මෑත ඉතිහාසයේ ඇතැම් දුර්වල සහ දුෂ්ට නායකයන් විසින් සිදු කළ වැරදි මෙතැනදීත් සිදු වුව හොත් එය ජනරජයට තවත් දරුණු පරම්පරා හානියකි.

පරම්පරා ඝාතකයෝ සහ සහස්‍රයේ දරුවන්

අපේ පරම්පරාව එසේ නායකත්වයට එන්නේ ඉහත අහිමි කළ පරම්පරාව පන්නා ගෙනය. එම නිසා ඊළඟ දශකය පරම්පරා කම්පනයක් ඇති කරනු ඇත. අද ඉතිරි වී සිටින වයසක මිනිසුන් ස්වභාවිකව මිය යනු ඇත. අවශේෂ 70 වේ දරුවෝ පසු බා යනු ඇත. නමුත් මේ අතිශය වැදගත් පරම්පරාවේ නැගීම මර්ධනය කිරීමට අර පරණ අවතාර උත්සාහ කරමින් තිබේ. 88-89 භීෂණයේ සාතනික පියාගේ සාපලත් පුත්‍රයාත්, ජාතික සළුපටින් දත් වසාගත් ෆැසිවැදී ඩ්‍රැකියුලා කුමාරයත්, ජනරජය සදා පාගා දමන බටහිර රෙජීම් චේන්ජ් ඒජන්තවරුත් උන්ගේ කුමන්ත්‍රණය නැවත ක්‍රියාත්මක කරමින් තිබේ. 

ජනපතිවරණයකින් පරදින ක්‍රම 5 ක්

ජනපතිවරණයකින් පරදින ක්‍රම 5 ක්  ජනතාපාලනය ඇති ජනරජයක පවත්වන වරණයක ‘ජයක්’ හෝ ‘පරාජයක්’ හෝ නොමැත. ඇත්තේ යම් අවස්ථාවක ගන්නා ජනතා තීරණ පමණී. නමුත් තවම ලංකාවේ (සහ බොහෝ රටවල) ඇත්තේ ජනප්‍රියවාදය සහ පක්ෂපාලනයයි. එවැනි නොදියුණු තත්ත්වයක් යටතේ හුදී ජනයාට “වරණය” යනු ජය-පරාජය සහිත සෙල්ලමකි. එම සෙල්ලම දිනන ආකාරය බොහෝ පණ්ඩිතයෝ විග්‍රහ […]

රෙජීම් චේන්ජ් 2.0 – ඔපරේෂන් රනිල්

2014-15 ලංකාවේ සිදු වූයේ ඇමරිකානු පන්නයේ සැලසුම් සහගත රෙජීම් චේන්ජ් එකක් බව අමුතුවෙන් කිව යුතු නොවේ. ඊනියා රෙජීම් චේන්ජ් 1.0 හි ඉලක්කය වූයේ මහින්ද රාජපක්ෂ සහ ඔහු ප්‍රධාන ආණ්ඩුව ඉවත් කිරීමයි. එය සාර්ථක විය. එහි ආදීනව දැන් සාමාන්‍ය සබුද්ධික ජනතාවට ප්‍රත්‍යක්ෂ වී ඇත.  මේ වන විට රෙජීම් චේන්ජ් 2.0 ක්‍රියාත්මක […]

මව මරා උපන් කුමරා

“ජාතික ප්‍රශ්නය” යනු සමාජවාදය අසරණම වන තැනයි. “වැඩකරන ජනතාවට රටක් නැත” යනුවෙන් ලියූ කාල් මාක්ස් “ජාතික රාජ්‍යය” යනු ධනවාදී බොර්ජුආසීන්ගේ මාර්කට් නිර්මාණයක් ලෙස ප්‍රතික්ෂේප කෙළේය. ජලයේ ඔබන රබර් බෝලයක් උඩුකුරුව පොලා පනින්නා සේම මතුවන ජාතික ප්‍රශ්නය නොරිස්සූ ව්ලැදිමීර් ලෙනින් “ජාතික” නමින් කිසිදු සටන් පාඨයක් නොලිය යුතු යැයි නිර්ධන පන්තියට අණ […]

අයර්ලන්තය, ව්‍යවස්ථාව සහ බෙදුම්වාදය

මේ දිනවල කිසියම් ජනපති අපේක්ෂකයෙක් ශ්‍රී ලංකාවේ වර්තමාන ව්‍යවස්ථාව අහෝසි කොට ඔහු විසින් ඉදිරිපත් කර ඇති යම් අලුත් ව්‍යවස්ථාවක් වහාම ක්‍රියාත්මක කරන බව ප්‍රසිද්ධියේ ප්‍රකාශ කර සිටී. ඒ සඳහා එළඹෙන ජනපතිවරණය ඔහුගේ ව්‍යවස්ථාව වෙනුවෙන් පැවැත්වෙන ජනමත විචාරණයක් ලෙස සලකන බවත්, ඒ අනුව ඔහුට බහුතර ඡන්ද සංඛ්‍යාවක් ලැබුනහොත් එය ජනතාව විසින් […]

Menu
Eranda Ginige
Social Innovator, Writer, Speaker